Бразилияда күллі бір қала жер астына кетудің алдында тұр

Бразилияның Буритикупу қаласында топырақтың опырылуына байланысты төтенше жағдай жарияланды. Қала жер астына кетудің алдында тұр. Бұл туралы Reuters жергілікті билікке сілтеме жасап хабарлайды, деп жазады Azattyq Rýhy.

Соңғы бірнеше айда алып шұңқырлардың көлемі күрт ұлғайып, тұрғын үйлерге жақындаған. 1200-ге жуық адам баспанасыз қалуы мүмкін, қазірдің өзінде бірнеше ғимарат қираған.

Топырақтың опырылуына әсер еткен негізгі себептер:

• Жиі жауын-шашын салдарынан топырақ эрозиясы,
• Дұрыс жоспарланбаған құрылыс,
• Ормандардың жаппай кесілуі.

Буритикупу тұрғындары бұл проблемамен 30 жылға жуық уақыт бойы күресіп келеді.