Қазақстан енді ешқандай баж салығынсыз Жапониядан көлік дискілерін әкеле алады

Еуразиялық экономикалық комиссия (ЕЭК) алқасы Жапония, Таиланд, Түркия мен Малайзиядан әкелінетін құйылған алюминий дисктерге қатысты бұрын қабылданған, бірақ әлі күшіне енбеген демпингке қарсы баж салығы туралы шешімге өзгерістер енгізді, деп хабарлайды Azattyq Rýhy.

«ЕЭК Ішкі нарықты қорғау департаментінің директоры Андрей Захаровтың айтуынша, бұл түзету Еуразиялық экономикалық одақ (ЕАЭО) елдері үкімет басшыларының барлық мүше мемлекеттер үшін өзара тиімді шешім табу мақсатында қабылданған шешімін орындау аясында енгізілген», – делінген ЕЭК хабарламасында.

Жаңа түзетулерге сәйкес, Қырғызстан мен Қазақстан демпингке қарсы шара қолданылған әр жыл ішінде белгілі бір мөлшерде баж салығын төлемей, Жапониядан алюминийден құйылған, бұрын қолданылған дисктерді импорттай алады. Атап айтқанда, Қырғызстан үшін бұл шектеу 300 тонна, ал Қазақстан үшін 135 тонна болып белгіленген.