Қазақстанда былтыр туризмге 1 трлн теңгеге жуық қаржы бөлінген

Былтыр Қазақстанда туризм саласына салынған инвестиция көлемі 1 трлн теңгеге жуықтаған, деп хабарлайды Azattyq Rýhy.

Туризм министрлігінің мәліметінше, саладағы негізгі капиталға салынған инвестициялар көлемі 947,5 млрд теңгені құрады. Бұл 2023 жылмен салыстырғанда 20,3%-ға көп (787,3 млрд теңге). 2022 жылы бұл көрсеткіш 513 млрд теңгені құраған.

Инвестициялар өсімі 15 өңірде байқалды, ең жоғары көрсеткіштер тіркелген өңірлер:

• Батыс Қазақстан облысы – 196,2%-ға өсті (26 млрд тг);
• Ұлытау облысы – 84,2%-ға өсті (4,7 млрд тг);
• Қызылорда облысы – 63%-ға өсті (33,7 млрд тг);
• Түркістан облысы – 45,6%-ға өсті (81,2 млрд тг);
• Атырау облысы – 31,3%-ға өсті (23,5 млрд тг).

«Бұл деректер өңірлердегі туристік инфрақұрылымның қарқынды дамып жатқанын және инвестициялық тартымдылықтың артып келе жатқанын көрсетеді», - делінген Туризм министрлігі таратқан хабарламада.