Петропавл тұрғыны итті құтқарамын деп өзі құдыққа түсіп кеткен (ВИДЕО)

Петропавлда ер адам құдыққа құлап кеткен итті құтқаруға тырысып, өзі тереңге түсіп кеткен, деп хабарлайды Azattyq Rýhy. 

Ол итті достарына көтеріп беріп үлгергенімен, мұздай суға толы құдықтан өзі шыға алмай қалған. Қасында болған достары құтқарушыларды шақырған.

Оқиға орнына жеткен жедел-құтқару жасағының қызметкерлері альпинистік жабдықтың көмегімен ер адамды қауіпсіз жерге шығарды. Абырой болғанда, оған медициналық көмек қажет болмады.