Шымкентте кәсіпкерлер 700-ден астам адамның зейнетақысын төлемей, 16 млн теңге пайда көрген

Шымкентте компаниялар 720 адамның зейнетақы қорына тиісті қаражатын аудармаған, деп хабарлайды Azattyq Rýhy.

Прокуратура мәліметше, талдау нәтижесінде көптеген жұмыс беруші құқықтық нормаларды сақтамаған.

«2024 жылдың 1 қаңтарынан бастап Әлеуметтік кодекстің жаңа ережелері қолданысқа енгізілді, оларға сәйкес жұмыс берушілер қызметкерлердің табысының 1,5% көлемінде зейнетақы қорына қосымша төлеуге міндетті. Алайда, 220 компания зейнетақы қорына 720 қызметкерге міндетті жарна төлемеген.

Енгізілген қадағалау актісінің нәтижесінде қызметкерлердің құқықтары қалпына келтіріліп, жұмыс берушілер зейнетақы қорына 16 млн теңге жарналарын төледі», - делінген прокуратура хабарламасында.