Серік Ибрагимов жұбайына салоннан 100 млн теңгенің көлігін сыйға тартты (видео)
Әншінің жұбайы ғана емес, өзі де су жаңа көлік иегері атанған
Отандық эстрада жұлдызы Серік Ибрагимов жұбайына қымбат көлік сыйға тартты. Айнамкөз Абдимаева қуанышты жаңалығын Instagram парақшасында жариялады, деп жазады Azattyq Rýhy.
Айнамкөз Абдимаеваның айтуынша, әншінің жұбайы ғана емес, өзі де су жаңа көлік иегері атанған. Видеода ерлі-зайыптының автокөлігі ақ және қара түсті екенін аңғаруға болады.
«Біздің жаңа темір тұлпарларымыз. Баршаңызға жұғысты болсын», - деп жазды әншінің жұбайы.
Мұны көрген желі қолданушылары Серік Ибрагимов пен Айнамкөз Абдуллаеваға ақ тілегін жаудырды. Ал әншінің өзі Instagram-дағы парақшасында көлік 100 млн теңге тұратынын айтты.
«Әлі бірде-бір көрімдік бермеді. Адамдар қызық, жұғысты болуы үшін көрімдік беру керек пе? Біз барымызды береміз ғой. Қандай көлік алдың деп неге сұрай бересіңдер, 100 млн теңгенің көлігі», - деді Серік Ибрагимов.
