Каспий теңізінде 3,1 балдық жер сілкінісі болды

Каспий теңізінде магнитудасы 3,1 балл болатын жер сілкінісі тіркелді, деп хабарлайды Azattyq Rýhy Lada.kz сайтына сілтеме жасап.

Республикалық сейсмологиялық қызмет орталығының мәліметінше, жер сілкінісі 25 қаңтар күні жергілікті уақытпен сағат 18:22-де болған.

«Жерасты дүмпулерінің ошағы 66 километр тереңдікте болған. Эпицентр Ақтау қаласынан 460 километрқашықтықта орналасқан. Координаттары: 39°34′48″ солтүстік ендік, 51°36′36″ шығыс бойлық», — делінген хабарламада.

Жер сілкінісі салдарынан зардап шеккендер немесе қирандылар туралы ақпарат түспеген. Мамандар жағдайды бақылауда ұстап отыр.