Қарағандыда өрттен төрт адам эвакуацияланды
Құтқарушылар тағы екі адамды аман алып қалды
Қарағандыда өрт сөндірушілер екі адамды аман алып қалып, тағы төрт тұрғынды эвакуациялады, Бұл туралы ҚР ТЖМ баспасөз қызметі мәлімдеді, деп хабарлайды Azattyq Rýhy. .
Таңертең Қазыбек би ауданындағы Назарбаев даңғылындағы бес қабатты тұрғын үйдің екінші қабатындағы пәтерде үй заттары мен жиһаз жанған. Өрт аумағы жеті шаршы метрді құрады.
«Өрт сөндірушілер екі адамды құтқарып, тағы төрт адамды эвакуациялады. Пәтер иесі, 1950 жылы туған азамат күйік шалып, ауруханаға жеткізілді. ҚР ТЖМ апаттық медицина орталығының мамандары тұрғындарға жедел медициналық көмек көрсетті», — делінген хабарламада.
Мамандар өрттің шығу себептерін анықтаумен айналысып жатыр. Сонымен қатар тұрғындарға электр құрылғыларын және тұрмыстық техниканы дұрыс пайдалану жөнінде ескертулер жасалды.
