Боранды түндегі қызмет: құтқарушылардың жұмыс барысындағы фото-видеосы жарияланды
Боранды күндері құтқарушылар 35 адамды құтқарып қалған
Жамбыл облысында қатты боран кезінде Жуалы ауданының құтқарушылары оқиға барысында түсірілген фотосын жариялады, деп хабарлайды Azattyq Rýhy.
Фотода құтқарушылардың көлік кабинасында отырғанын, ал сыртта қарға адым жер көрінбейтін ақтүтек боран болып тұрғанын байқауға болады.
ТЖМ мәліметінше, сол күндері құтқарушылардың көмегімен 35 адам, оның ішінде 5 бала және 1 жүкті әйел құтқарылды.
«Видеода №7 өрт сөндіру бөлімінің жүргізушілері Нұрахмет Оразбаев, Досмұханбет Нуралиев және ТЖБ аға анықтаушысы Бахтияр Мағыртай шынжыр табанды тягачпен боранға қарамастан авариялық-құтқару жұмыстарын сәтті жүргізді.
Бейнеден тягачтың штурвалында Досмұханбет Нуралиев болса, ал штурман рөлін атқарған Нұрахмет Оразбаев ағаштарға қарап бағытты көрсетіп отырғанын көруге болады», - делінген ТЖМ хабарламасында
