Екі баласын жаяу жетектеп, тапсырыс тасып жүрген әйел адамның видеосы тарады

Желіде екі баласын жетектеп, тапсырыс жеткізіп жүрген әйел адамның видеосы жарияланды, деп хабарлайды Azattyq Rýhy.

Видеода әйел адам бір баласын арбамен сүйреп, екіншісін жаяу жетектеп, онлайн тапсырыс қабылдап, иесіне жеткізіп жүргенін көруге болады.

Әйел адамның бұл ісі жұртты алаң күйге салып қойды.

«Көшеде ақша таратқыш блогерлер неге көрмейді екен осыларды?!», «Аналар негізі батыр ғой. Алла күш қуат берсін!», «Жұмысының берекетін берсін! Балапандарының нәпақасын теріп жүр ғой ана шіркін», «Қанша ер-жігіт жұмыс жоқ деп жүр. Мына ана – батыр ана. Балалары үшін не істемейді, ана деген», - деп жазды желі қолданушылары.