Абай облысының құтқарушылары жоғалған малшыны тапты (ВИДЕО)

Бүгін 112 пультіне 1977 жылы туған ер адам атпен Тарбағатай ауылынан Ақши ауылына қарай жолға шығып жоғалып кеткені туралы ақпарат келіп түскен, деп хабарлайды Azattyq Rýhy ақпарат агенттігі ТЖМ баспасөз қызметіне сілтеме жасап.

ТЖМ құтқарушылары полиция қызметкерлерімен бірлесіп Иргебай қыстауынан 10 шақырымында орналасқан Мыңбұлақ қыстауында жоғалып кеткен шопанды тапты. Ол тексеру үшін ауылдық ауруханаға жеткізілді.

ТЖМ дауылды ескертулерге назар аударып, ауа-райы нашарлаған жағдайда елді мекеннен тыс жерге жолға шықпауға кеңес береді.