Павлодарда құрылыс дүкенінде болған алапаттан өрттен қарт кісі тірідей жанып кетті (ВИДЕО)
Оқиға бүгін сағат 10.45-те Астана көшесінде болды
Павлодар қаласында құрылыс дүкенінде болған алапаттан өрттен қарт кісі көз жұмды, деп хабарлайды Azattyq Rýhy.
Облыстық ТЖД мәліметінше, 23 қаңтар күні сағат 10.45-те Павлодар қаласы Астана көшесінде орналасқан құрылыс материалдары дүкенінде өрт шыққандығы туралы хабарлама түскен.
«Өрт сөндіру бөлімшелері, ЖҚЖ мен АМО шақырту орнына дереу жіберілді. Өрт орнына келген өрт сөндірушілер тез арада 40 ш.м. алаңда (ғимараттың жалпы алаңы 800 ш.м.) құрылыс материалдарының өртін сөндіруге кірісті. Сөндіру жұмысын қатты түтін қиындатады. Сөндіру барысында өрт сөндірушілер ғимараттан 1 газ баллонын алып шықты. Өрт болған жерден 1965 жылы туған дүкен қызметкері табылды, өмірлік белгілері жоқ, ол 103 қызметіне тапсырылды.
Сағат 11.50-де өрт толықтай жойылды. ТЖД күштері мен құралдарынан 54 қызметкер мен 10 бірлік техникасы жұмылдырылды», - делінген хабарламада.
Өрт себебі анықталып жатыр.
