Тоқаев Хорватия президентін қайта сайлануымен құттықтады

Мемлекет басшысы Қасым-Жомарт Тоқаев Хорватия Республикасының президенті болып қайта сайланған Зоран Милановичті құттықтады. Бұл туралы Azattyq Rýhy агенттігі Ақорданың баспасөз қызметіне сілтеме жасап хабарлайды.

Қасым-Жомарт Тоқаев президент сайлауында жеңіске жеткен Зоран Милановичке құттықтау жеделхатын жолдады.

Қазақстан президенті жеделхатта Зоран Милановичтің жеңісін Хорватияның болашағын жарқын етуге бағытталған саясатына көрсетілген сенімнің айқын дәлелі деп бағалады.

Мемлекет басшысы Астана мен Загреб арасындағы достық пен өзара түсіністікке негізделген екіжақты қарым-қатынастар қос халықтың игілігі үшін одан әрі нығаятынына үміт артатынын жеткізді.