Қысқы Азия ойындарында Қазақстанның туын кімдер ұстап шығады

Азия ойындарына 138 спортшы аттанады

Фото: Olympic.kz

Қытайдың Харбин қаласында өтетін IX қысқы Азия ойындарында Қазақстанның туын кімдер алып шығатыны белгілі болды, деп хабарлайды Azattyq Rýhy.

Қазақстан құрамасы Қытайдағы IX қысқы Азия ойындарының 10 жарыс тәртібі бойынша барлық алты спорт түріне қатысады.

Туризм және спорт министрі Ербол Мырзабосыновтың айтуынша, команданың құрамы бекітілді. Азия ойындарына 138 спортшы аттанады. Олар 31 медаль жиынтығы үшін сынға түседі.

Биатлоншыларға, шаңғышыларға, конькимен жүгірушілерге, сондай-ақ қазіргі Азия чемпиондары болып саналатын хоккейшілерге үлкен үміт артылады, дейді министр.

Қысқы Азия ойындарының ашылу салтанатында хоккейші Әділ Бекетаев пен шорт-тректің өкілі Ольга Тихонова Қазақстан туын ұстайды.

Мақалада

#ту #қысқы спорт #Азиада

Алдыңғы жаңалық

Тоқаев Хорватия президентін қайта сайлануымен құттықтады