«Горилла ішкеннен кейін асқазаны тесілген»: дәрігер адам шошырлық жағдайды айтты (ВИДЕО)

Желіде ақхалат киген дәрігердің ота жасайтын бөлімде түсірген видеосы жарияланды, деп хабарлайды Azattyq Rýhy.

Дәрігер адам шошырлық жағдай туралы айтып, энергетикалық сусынның зияны туралы кезекті рет ескертті.

Желіде таралған видеода энергетикалық сусын ішкен адамның асқазаны тесілгені туралы жазылған.

«Таңертең 16 жастағы бала жедел іштің ауырсынуымен түсті. Өзінің айтуынша, жаңа жыл түні екі горилланы (энергетикалық сусын) қатарынан ішкен. Одан іші бір күн ауырған. Содан бізге қабылдау бөліміне келіп қаралды. Науқасқа жедел түрде ота жасадық. Рентгенге түсірдік. Онда ауа жиналып, бауырға әсер еткені де байқалады. 47 минут операция жасадық. Ота сәтті өтті. Горилла ішпеңіздер», - деп ескертті дәрігер.