Құрғақ уәде: Ақтауда бүтін бір шағын ауданға әлі күнге дейін аялдама салынбай отыр
Бірде бір аялдамасы жоқ 17-ші шағын ауданға өткен жылы автобус тұрағы орнатылуы керек болатын
Ақтауда 17-ші шағын ауданға өткен жылдың соңына дейін аяқталуы тиіс аялдама әлі күнге дейін салынбай отыр. Бұл туралы Azattyq Rýhy агенттігі Lada.kz-ке сілтеме жасап хабарлайды.
Шағын ауданның тұрғындарының айтуынша, маңайда автобус аялдамасының белгісі де, өзі де сол қалпы орнатылған жоқ. Жұрт берілген уәденің не себепті орындалмай отырғанын біле алмай отыр.
Ал қалалық әкімдіктің жолаушылар көлігі және автомобиль жолдары бөлімінің айтуынша, мердігер ұйыммен 15 автобус аялдамасын орнатуға шарт жасалған, оның тізіміне 17-ші шағын аудан да кірген.
Басылымның мәліметінше, шенеуніктер мердігер ұйымға қатысты міндеттерін орындамағандықтан келісімшарт үзілген.
Ал 17-ші шағын ауданға қажет автобус аялдамасы үшін биыл ақшалай қаражат сұралады, дейді шенеуніктер.
Айта кетейік, бірде бір аялдамасы жоқ 17-ші шағын ауданға өткен жылы автобус тұрағы орнатылуы керек болатын.
