Алматыда компанияның 1 млрд теңгеге жуық ақшасын ұрлап, шетел асып кеткен ер адам Дубайда ұсталды

Қазір оны экстрадициялау мәселесі шешіліп жатыр

Фото: Polisia.kz

Алматыда компаниялардың бірінің қомақты ақшасын алып, шетел асып кеткен Қазақстан азаматы Дубайда ұсталды. Бұл туралы Azattyq Rýhy агенттігі Polisia.kz-ке сілтеме жасап хабарлайды.

Дубайда Қазақстан ІІМ Интерпол Ұлттық орталық бюросының сұрауы бойынша Қылмыстық кодекстің 189-бабында көзделген қылмысты жасағаны үшін (Аса ірі мөлшерде сеніп тапсырылған бөтен мүлікті иемденіп алу немесе талан-таражға салу) халықаралық іздеуге жарияланған ер адам ұсталды.

2022 жылы күдікті адамдар тобымен Алматыдағы ЖШС-лердің бірінен өзіне қарасты компанияның шотына қаражат аудару арқылы 947 миллион теңге жымқырған.

Қазіргі уақытта ер адам қамауда. Оны экстрадициялау мәселесі шешіліп жатыр.

Мақалада

#Экстрадиция #алаяқтық #күдікті #Дубай

Алдыңғы жаңалық

Жарты ғасырдан астам уақыт жөндеу көрмеген мектепке парақорлардан қайтарылған 2,6 млрд теңге бөлінді