Грузияның жаңа президенті қызметіне кірісті

Михаил Кавелашвили Грузияның президенті қызметіне ресми түрде кірісті, деп хабарлайды Azattyq Rýhy РИА Новости-ге сілтеме жасап.

«Президенттің инаугурация рәсімі ел астанасында, парламент ғимаратында өтті және заң шығарушы органның ресми сайтында тікелей эфирде көрсетілді. Рәсім барысында Михаил Кавелашвили ант қабылдап, Грузияның мемлекеттік гимні орындалды», — деп жазады басылым.

Инаугурацияға парламент депутаттары, үкімет мүшелері, Орталық сайлау комиссиясы, Конституциялық және Жоғарғы соттардың басшылары қатысты. Дегенмен, Грузиядағы шетел елшіліктерінің өкілдері бұл шараға қатыспады.

Михаил Кавелашвили 14 желтоқсанда өткен парламенттік сайлауда жеңіске жеткен болатын. Ол билеуші «Грузиндік арман» партиясының кандидаты ретінде 300 депутаттың 224 дауысын жинап, президенттікке сайланды.