Қарағандыда құтқарушылар адасып қалған туристерді тапты

Қарағанды облысының Қарқаралы ауданында төрт турист «Шайтан көлі» бағытына бет алды. Олар қараңғы түскеннің салдарынан кері қайта алмай, адасып қалған, деп хабарлайды Azattyq Rýhy ТЖМ баспасөз қызметіне сілтеме жасап.

Туристер жақын орналасқан биік тауға шығып, құтқару қызметіне қоңырау шалды.

«Құтқарушылар аталған координаттар бойынша жедел түрде шақыру орнына келді. Тепловизоры мен түнгі камерасы бар ұшқышсыз ұшу аппаратының көмегімен «Берлога» демалыс аймағынан төрт шақырым жерде жоғалған адамдар табылды. Құтқарылғандардың барлығы медициналық көмекке мұқтаж болмады», - делінген хабарламада.