Қостанай облысында жоғалып кеткен бозбала дронның көмегімен табылды

Қостанай облысының Озерное ауылында жоғалып кеткен 15 жастағы жасөспірім бір күннен кейін табылды, деп хабарлайды Azattyq Rýhy.

15 жастағы Қуандық Мақсат 5 желтоқсан күні Озерное ауылы Пушкин көшесіндегі үйінен шығып кетіп, қайтып оралмаған.

Жасөспірімді 35 полиция қызметкері, 30 құтқарушы және еріктілер іздеді. 6 желтоқсанда жергілікті БАҚ оны өзі тұратын ауылдан 15 шақырым жерде табылғанын хабарлады. Оның үйінен неліктен кеткені белгісіз.

Бозбаланы іздеу үшін арнайы техника мен дрон қолданылды.