Қарағанды-Балқаш тасжолы алты жылдан кейін әрең дегенде ашылды

«ҚазАвтоЖол» Қарағанды-Балқаш тасжолын қайта жаңарту жұмысы аяқталғанын хабарлады. Мұнда жұмыс 2019 жылы басталып, құрылысы бес жылға созылған. 6 желтоқсанда ұлттық компания автожол бойынша қозғалыс ашылғанын мәлімдеді, деп хабарлайды Azattyq Rýhy.

Ұзындығы 363 шақырым болатын Орталық – Оңтүстік көлік дәлізінің учаскесі қайта жаңартылды.

Енді трек III-ден I-b техникалық санатына ауыстырылды. Осының арқасында мұнда бөлгіш тосқауыл қоршауымен төрт жолақты қозғалыс ұйымдастырылды.

Жоба аясында 11 көпір, ауыл шаруашылығы техникасына арналған 32 жол өтпесі, үш көлік айрығы, темір жол арқылы бір жол өтпесі салынды.

«Пайдаланушыларға ыңғайлы болу үшін 18 демалыс алаңы, 24 автобус аялдамасы, сондай-ақ 1452 жарықтандыру тірегі орнатылған. Учаскедегі қозғалыс қарқындылығы тәулігіне 18 мың автомобильге жетеді, жазғы кезеңде 25 мыңға дейін өседі», - деп хабарлады «ҚазАвтоЖол».

 Тас жолда барлығы төрт миллион тоннаға жуық асфальтбетон қоспалары төселді.