Тоқаев фин халқын Тәуелсіздік мерекесімен құттықтады

Мемлекет басшысы Қасым-Жомарт Тоқаев Александр Стуббты Финляндияның Тәуелсіздік күнімен құттықтады. Бұл туралы Azattyq Rýhy агенттігі Ақорданың баспасөз қызметіне сілтеме жасап хабарлайды.

Мемлекет басшысы Финляндияның Ұлттық мерекесіне орай президент Александр Стуббқа құттықтау жеделхатын жолдады.

Президент Финляндияның тұрақты әрі өркендеген қоғам құру жолында елеулі жетістікке жеткенін атап өтті.

Қасым-Жомарт Тоқаев екіжақты ынтымақтастықтың даму қарқынын жоғары бағалап, қазақ-фин өзара тиімді серіктестігінің одан әрі нығая беретініне сенім білдірді.

Сондай-ақ, мемлекет басшысы Финляндия халқына бақ-береке тіледі.