Павлодар облысында өрт шыққан мейрамханадан 13 газ баллоны шығарылды

Павлодар облысында жол бойындағы мейрамханада өрт шығып, төтенше жағдайлар қызметкерлері жарылыстың алдын алды, деп хабарлайды Azattyq Rýhy.

1 желтоқсанда Павлодар–Астана тас жолының бойындағы мейрамхана ғимаратында өрт шыққан. Жалын 40 шаршы метр аумақты қамтыған.

«Жарылыс қаупінің алдын алу мақсатында өрт шыққан ғимараттан әрқайсысы 50 литрлік 13 газ баллоны шығарылды», – деп мәлімдеді ҚР Төтенше жағдайлар министрлігінің баспасөз қызметі.

Министрліктің хабарлауынша, өрт санаулы минуттарда сөндірілді. Зардап шеккендер жоқ.