Алматыда Бұқар Жырау бульварының бір бөлігі жабылды

Алматыда Бұқар Жырау бульварында газ құбырын ауыстыру жұмыстары басталды, деп хабарлайды Azattyq Rýhy. 

«2024 жылдың 30 қарашасы сағат 7:00-ден бастап 2 желтоқсан сағат 6:00-ге дейін Бұқар Жырау бульварының Байзақов көшесімен қиылысының оңтүстік бөлігі және бульвардың Байзақов көшесінен Есентай өзеніне дейінгі бөлігі жабылады», — делінген «QazaqGaz Aimaq» АҚ Алматы өндірістік филиалының баспасөз қызметінің хабарламасында.

Орташа қысымды жер асты газ құбыры алғаш рет 1972 жылы іске қосылған. Соңғы тексеріс барысында құбырдың изоляциялық жабынында зақымданулар және коррозиядан пайда болған төрт тесік анықталған.

Газ құбырын жөндеу аяқталғаннан кейін жақын маңдағы аумақ абаттандырылып, жолдың асфальт жабыны қалпына келтіріледі.