Мысырда автобус аударылып, үш қазақстандық зардап шекті
Жол апатынан 41 адам жарақат алған
Фото: © istockphoto.com
Оңтүстік Синайда автобус аударылып, 41 адам жарақат алды, олардың ішінде үш Қазақстан азаматы бар, деп хабарлайды Azattyq Rýhy Cairo24-ке сілтеме жасап.
«Автобус аударылғаннан кейін 41 адам жарақат алды. Жарақат алғандардың арасында Ресей мен Украинадан келген 31 турист, Қазақстаннан келген үш азамат, Әзербайжаннан үш азамат және төрт мысырлық бар», – делінген хабарламада.
Жол-көлік оқиғасы Мысырдың Оңтүстік Синай аймағындағы Рас-Судр жолында болған. Ал автобус туристерді тасыған.
Оқиға орнына жедел жәрдем көліктері жедел жетіп, зардап шеккендер жақын маңдағы ауруханаға жеткізілген.
Көп оқылған
16.06.2026, 10:23
«Жастары елуге таяған»: Абай облысындағы жағажайда бұтаның арасына дәрет сындырған үш әйел «Сергекке» түсіп қалған (ВИДЕО)
16.06.2026, 09:59
БҚО-да үш көлік соқтығысып, екі адам оқиға орнында көз жұмды
16.06.2026, 21:17
Саратовтан Алматыға келе жатқан жолаушылар пойызы апатқа ұшырады
