Шайбалы хоккей: Қазақстан құрамасы Азия чемпионы атанды
Құрлықтық дода биыл алғаш рет ұйымдастырылды
Шайбалы хоккейден Қазақстан құрамасы Азия чемпионы атанды, деп хабарлайды Azattyq Rýhy.
Құрлықтық дода биыл Халықаралық шайбалы хоккей федерациясының (IIHF) қолдауымен алғаш рет ұйымдастырылды. Чемпионат Алматы қаласында өтті.
Қазақстандық хоккейшілер шешуші сында Жапония құрамасына қарсы ойнады. Ойын барысында құрама капитаны Евгений Рымарев 7, 27, Евгений Наместников 29, Владимир Гребенщиков 44, Евгений Королинский 59-минутта қарсыластар қақпасына гол салды.
Еске сала кетейік, бұған дейін отандастарымыз Оңтүстік Кореядан 1:4 есебімен жеңіләп, Қытайдан 6:1 есебімен басым түскен болатын.
Айта кетейік, Азия чемпионаты 2025 жылы 7-14 ақпан аралығында Қытайдың Харбин қаласында өтетін Азия ойындарына дайындық жарыстары ретінде ұйымдастырылып отыр.
