Ақтөбеде екі айда жол ережесін 308 рет бұзған жүргізуші ұсталды

Айыппұлдың жалпы сомасы шамамен 11,5 миллион теңгеге жеткен

Фото: t.me/POLICE_of_KZ

Ақтөбеде екі айда жол ережесін 308 рет бұзған жүргізуші ұсталды. Бұл туралы ҚР ІІМ баспасөз қызметінен мәлім етті, деп хабарлайды Azattyq Rýhy.

ІІМ мәліметінше, патрульдік полиция батальонының қызметкерлері «Қорғау» жүйесінің көмегімен шетелдік нөмірі бар ВАЗ-2114 автокөлігін басқарған 35 жастағы жергілікті тұрғынның қала көшелерінде бірнеше рет жылдамдықты асырғанын анықтады.

Айыппұлдың жалпы сомасы шамамен 11,5 миллион теңгеге жеткен. Көлік арнайы тұраққа қойылды.

«Азаматтарды Заң мен тәртіпті сақтауға шақырамыз! Шетелдік нөмірі бар кейбір жүргізушілер жазадан құтыламыз деп үміттенеді, алайда полиция мұндай ереже бұзушыларды анықтап, оларды жауапқа тартады», - деп ескертеді ІІМ.

Мақалада

#Ақтөбе #жүргізуші #полиция #жол ережесі

Алдыңғы жаңалық

Ақмола облысында ұрланған қарағай ағаштарын тасымалдаған жүргізуші ұсталды