Мақпал Жүнісова ұшақ бортына домбырасын кіргізу үшін қосымша билет сатып алуға мәжбүр болды

Халық әртісі Мақпал Жүнісова FlyArystan әуе рейсінде домбырасын бортқа алып кіруге байланысты тағы да қиындықтарға тап болды. Әншінің айтуынша, әуекомпания оны домбыра үшін қосымша орын сатып алуға мәжбүрлеген, деп хабарлайды Azattyq Rýhy.

Осылайша бортқа қара домбырасын алып кіру үшін әнші құны 59 мың теңге тұратын билетті сатып алуына тура келген.

Айта кетейік, халық әртісі осыған дейін де бірнеше мәрте ұлттық музыкалық аспапты ұшақ бортына кіргізу кезінде қиындықтарға топ болған.