Нұр-Сұлтан қаласында аудан әкімі ескерту алды

Нұр-Сұлтан қаласы Есіл ауданының әкімі Берік Жәкеновке ескерту жасалды. Бұл туралы елорда әкімдігінің Instagram-дағы ресми парақшасында жазылды, деп хабарлайды Azattyq Rýhy тілшісі. 

«Саябақтың жай-күйі мен жұмыс қарқынының төмен болуына орай Есіл ауданының әкімі Берік Жәкенов пен мердігер ескерту алды. Барлық кемшіліктерді түзетуге уақыт берілді. Әбу-Даби Плаза маңында орналасқан саябақ екі жыл бұрын ашылуы тиіс болатын», - делінген ақпаратта. 

Айта кету керек, биыл Нұр-Сұлтан қаласында барлығы 50-ге жуық қоғамдық орын абаттандырылады. Олардың қатарында саябақтар, тынымбақтар және таза ауада серуендеуге арналған басқа да орындар бар.