Әйгілі француз актері Ален Делон қайтыс болды

Әйгілі француз актері, кино аңызы Ален Делон қайтыс болды. Бұл туралы Azattyq Rýhy агенттігі Le Figaro басылымына сілтеме жасап хабарлайды.

1935 жылы 8 қарашада дүниеге келген француз актері 18 тамызда 88 жасында қайтыс болды.

Франция киносының аңызы Ален Делон ұзақ аурудан кейін қайтыс болды.

Соңғы жылдары актер көпшілік алдына сирек шығып жүрді. Ол бірнеше жыл бұрын Альцгеймер ауруының дамуына түрткі болған инсультпен ауырған. Осыған дейін атақты «Самурай» фильмінің жұлдызына қатерлі қан ісігі диагнозы қойылған деп хабарланған. Актер тіпті эвтаназия туралы ойланғаны туралы айтқан.

Ален Делон көптеген марапаттарға ие болған. Оның ішінде Канн кинофестивалінің «Алтын пальма бұтағы» номинациясымен марапатталған.