Ақтөбеде ер адам танысына телефонын беремін деп екі несие «арқалап» алды

Ақтөбеде ер адам телефонын кездейсоқ танысына беремін деп өзіне 1,3 миллион теңге несие «арқалап» алды. Бұл туралы Azattyq Rýhy агенттігі «Мой город» басылымына сілтеме жасап хабарлайды.

Олар Ақтөбедегі вокзалдың демалыс бөлмесінде кездескен. Танысы «Еgov» арқылы құжаттарын алу үшін ұялы телефонын сұраған. Сол арада телефон иесіне әрқайсысы 650 000 теңге болатын екі тауарлық несие рәсімдеп үлгерген. Ол ақшаны «Make Moneу» және «Обналичка Актобе» мессенджерлеріндегі топтар арқылы қолма-қол ақшаға айналдырып, жұмсап жіберген.

Арада көп ұзамай телефон иесіне несиелерді өтеу қажеттілігі туралы хабарламалар келген. Банкке барғанында мойнында бір емес, екі несиесі бар екенін анықтады. Келтірілген залал 1,3 млн теңгені құрады.

Әрі қарай, күдікті ер адам өзінің танысынан «ВАЗ-2112» көлігін сұрап, оны қосалқы бөлшектер сатылатын базарда 170 мың теңгеге сатып жіберген. Шығын 523,5 мың теңгені құрады.

Жақында күдікті ер адам сотқа тартылды, оны бірнеше рет алаяқтық жасады деп айыптады. Сотталушы өз кінәсін мойындап, оны бас бостандығынан айырмауды сұрады. Сот оны үш жыл алты айға колонияға қамау туралы үкім шығарды, сонымен қатар ол 1,3 миллион теңге көлемінде материалдық шығынды өтеді. Екінші жәбірленушіге көлік қайтарылды, сондықтан іс қайта қараусыз қалды.

Үкім заңды күшіне енген жоқ, деп хабарлады Ақтөбе қаласының № 2 сотының баспасөз қызметі.