Павлодарда жасөспірім бірнеше күннен бері хабарсыз кетті

Павлодарда үйінен шығып, белгісіз бағытқа кеткен жасөспірімге іздеу салынды. Бұл туралы Azattyq Rýhy агенттігі Lider.kz еріктілер жасағына сілтеме жасап хабарлайды.

Іздеу жасағының мәліметінше, жоғалған бала 2008 жылы туған. Аты-жөні: Темірлан Досов.

«Ол 3 шілдеде сағат 9:00-де Толстой көшесі, 103 мекенжайындағы үйінен шығып кеткен. Бойы – 150 сантиметр, дене бітімі – арық, шашы – қара түсті, өсіп кеткен. Үстінде – артқы жағында «Қазақстан» деген жазуы бар көк түсті спорттық костюм, аяғында – сұр кроссовка», – делінген Lider.kz хабарламасында.

Еріктілер жасағы хабар болған жағдайда +7(777)435-57-58, +7(747)917-54-17 немесе 102 нөмірлеріне хабарласуды сұрайды.