Қазақстандық спортшылар Париж Олимпиадасына қанша жолдама жеңіп алды

Франция астанасы Парижде өтетін XXXIII жазғы Олимпиада ойындарына Қазақстан құрамасы лицензиялар санын 80-ге жеткізді, деп хабарлайды Azattyq Rýhy.

Әзірше Қазақстаннан 70 спортшыда 80 лицензия бар. Олимпиадаға жолдама жеңіп алған спортшылар арасында 45 спортшы бірінші рет жазғы Олимпиада ойындарына қатысады.

Ең көп жолдаманы жеңген – боксшыларымыз. Олар 10 Олимпиада жүлдесіне таласады.

Олимпиаданың іріктеу кезеңдері әлі мәресіне жетпеді.

Естеріңізге сала кетейік, XXXIII жазғы Олимпиада ойындары 26 шілде мен 11 тамыз аралығында өтеді. Оған әлемнің 205 елінен 10 500 спортшы қатысады.

Оқи отырыңыз: Париж Олимпиадасына жолдама алған алғашқы қазақстандық брейкдансер кім