Антикордың атын жамылып, жалған ақпарат тарататын алаяқтар пайда болды

Azattyq Rýhy

Сыбайлас жемқорлыққа қарсы қызмет қазақстандықтарға алаяқтық туралы ескертті

Антикордың атын жамылып, жалған ақпарат тарататын алаяқтар пайда болды
Фото: istockphoto.com

Сыбайлас жемқорлыққа қарсы қызмет алаяқтықтың жаңа түрі пайда болғаны туралы мәлімдеді, деп хабарлайды Azattyq Ruhy.

Ведомство мәліметінше, мессенджерлерде (WhatsApp, Telegram және т.б.) Қазақстан Республикасы Сыбайлас жемқорлыққа қарсы іс-қимыл агенттігінің басшылығы мен қызметкерлерінің атынан жалған аккаунттар құрған және жалған ақпарат тарататын алаяқтар пайда болған.

«Жалған ақпараттарға сенбеуге, күмәнді сілтемелер бойынша өтпеуге, сондай-ақ қаражат аудармауға шақырамыз.

Осындай фактілер болған жағдайда Қазақстан Республикасының Құқық қорғау органдарына хабарлауды сұраймыз», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.