Су тасқыны: құтқару жұмысына 12,4 мыңнан астам жұмылдырылды

Авариялық-құтқару жұмыстарында 12 445 адам, 1300-ге жуық техника, 7 әуе кемесі жұмылдырылды. Бұл туралы Azattyq Ruhy ҚР ТЖМ баспасөз қызметіне сілтеме жасап хабарлайды.

Ведомство мәліметінше, осы сағатта Атырау, Ақтөбе, Ақмола, Қостанай, Батыс Қазақстан, Солтүстік Қазақстан және Павлодар облыстарында 3686 жеке тұрғын үй, 557 аула аумағы және 1822 саяжай үйі су астында қалды.

«Республикалық жедел штабтың бақылауында Атырау, Ақтөбе, Ақмола, Қостанай, Батыс-Қазақстан, Солтүстік Қазақстан және Павлодар облыстары.

Жедел желі телефонына барлығы 983 қоңырау келіп түсті», - делінген хабарламада.