Қазақстандық әскери қызметкер халықаралық жарыста жүлдегер атанды

Ұландық жауынгер халықаралық турнирде жүлдегер атанды, деп хабарлайды Azattyq Ruhy Polisia.kz-ке сілтеме жасап.

21-23 наурыз аралығында Ресей мемлекетінің Мәскеу қаласында ересектер арасында самбо спортынан халықаралық турнир өткізілді. Сайысқа Беларусь, Әзірбайжан, Қытай, Қырғызстан, Моңғолия және тағы басқа мемлекеттерден келген 250-ге жуық спортшы қатысты.

Олардың арасында Азия, Еуропа, әлем чемпионатарының жеңімпаздары да бар.

Сондай-ақ жарыста Қазақстан Республикасы Ұлттық ұланының Орал қаласында орналасқан 5517 әскери бөлімінің қызметкері Жандос Өтеғұлов та өз бағын сынаған болатын.

Ерлер арасындағы 58 келі салмақта күш сынасқан ұландық өз қарсыластарына тек жартылай финалда есе жіберді. Ал сайыс қорытындысы бойынша ұландық жауынгер жүлделі үшінші орынды иеленді.