Қостанай облысында тұрғын үй өртеніп, ер адам қаза тапты

Қостанай облысында тұрғын үйде өрт болып, ер адамның мәйіті табылды, деп хабарлайды Azattyq Ruhy.

Облыстық ТЖД хабарлауына, қайғылы оқиға Денисовский ауданы Антоновка ауылында сағат 07:30 шамасында болған.

«Өрт 30 шаршы метр аумақты шарпыған. Өртті сөндіру барысында құтқарушылар жанып жатқан үйден көлемі 27 литр болатын екі газ баллонын эвакуациялады.

Өртке қарсы қызмет қызметкерлері жанып жатқан үй-жайда 1978 жылы туған ер адамның мәйіті табылды», - делінген хабарламада.

Сағат 8: 56-да өрт Денисов ауданының № 8 өрт сөндіру бөлімінің күшімен жойылды.

Өрттің себебі анықталып жатыр.