Жағдай тұрақты: Алматыда қоғамдық тәртіпті қамтамасыз етуге 2,5 мыңнан астам полицей жұмылдырылды

Алматыда қоғамдық тәртіпті 2,5 мыңнан астам полиция қызметкері қамтамасыз етуде, деп хабарлайды Azattyq Rýhy.

Патрульдік полиция қызметкерлері, учаскелік инспекторлар мен жедел бөлімшелер қызметтің күшейтілген нұсқасына ауыстырылды.

Тергеу-жедел топтары күшейтілді.

«Алматыда жедел жағдай тұрақты, қылмыстың өршуі байқалмайды. Азаматтар арасында түсіндірме жұмыстары күшейтіліп, өз мүліктерінің сақталуын қамтамасыз ету жайында айтылды. Тонау деректері тіркелген жоқ», - деп хабарлады Алматы қалалық Полиция департаментінен.