Жер сілкінісі кезінде ҚазҰУ жатақханаларының қирап қалғаны рас па – министрлік жауап берді
Университет жатақханаларының ешқайсысы зардап шеккен жоқ
Әлеуметтік желіде Әл-Фараби атындағы Қазақ ұлттық университетінің жатақханалары қирады деген ақпарат тарады. Университеттің баспасөз қызметі желіде тараған ақпаратты теріске шығарды, деп хабарлайды Azattyq Rýhy.
«ҚазҰУ-дың жатақханалары, оның ішінде N6, 8 жатақханалардың қирауы мен қаза тапқандар туралы ақпарат шындыққа жанаспайды. Қаза тапқандар мен жатақхана қираған оқиға болған жоқ», - делінген хабарламада.
Алматыдағы студенттік жатақханалардағы жағдай туралы Ғылым және жоғары білім министрлігі де мәлімдеме жасады.
«Университет жатақханаларының ешқайсысы зардап шеккен жоқ. Студенттер де дін аман.
Жалған ақпаратқа сенбеуді және таратпауды сұраймыз», - делінген министрлік хабарламасында.
