$ 501.57  554.34  5.98
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Теміртауда боран салдарынан бірнеше үй жарықсыз қалды

Қала әкімінің басшылығымен жедел штаб құрылды, жағдай бақылауда

Теміртауда боран салдарынан бірнеше үй жарықсыз қалды
Фото ашық дереккөзден

Теміртауда боранның салдарынан жоғары вольтты электр желілері үзіліп, қаланың бірнеше үйлері жарықсыз қалды. Коммуналдық қызметтер қалпына келтіру жұмыстарын жүргізуде. Бірақ жағдайды ауа райының қолайсыздығы қиындатып жатыр. Бұл туралы Теміртау әкімдігінен мәлім етті, деп хабарлайды Azattyq Rýhy.

«Қаланың Шығыс бөлігінде суық су төмен гидравликалық режимге ауыстырылды. «Qarmet» АҚ сумен жабдықтау цехының сорғы станциялары штаттық жұмыс режимін қалпына келтіруде», - делінген әкімдік хабарламасында.

Электр желілеріндегі апаттар ЖЭО-2 жұмысына да әсер етті.

«Электрмен жабдықтау желісінің қысқа тұйықталуына байланысты ЖЭО-2 қазандық агрегаттары қайта қосылып, қайта жағылып жатыр, содан кейін олар желіге біртіндеп қосылады. Қала әкімінің басшылығымен жедел штаб құрылды, жағдай бақылауда», - деп хабарлады әкімдіктен.

Қазіргі уақытта электр қуатынсыз қалған үйлердің саны есептеліп жатыр.

Серіктес жаңалықтары