Швецияның оңтүстігінде 1000-ға жуық көлік қар құрсауында қалды

Еуропадағы аяз пен қар Швецияда ұзын-сонар көлік кептелісін тудырды. Салдарынан мыңдаған адамдар түнді жолда қалып қойған автомобильдерінде өткізуге мәжбүр болды, деп хабарлайды Azattyq Ruhy Euronews-ке сілтеме жасап.

Өткен түнде Швецияның оңтүстігіндегі Хербю мен Кристианстад арасындағы E22 тас жолында 1000-ға жуық көлік тұралап қалды.

Құтқару жұмыстары түні бойы жалғасты және Швеция көлік басқармасының мәліметі бойынша, жол жұма күні таңға дейін жабық болады.

Жолда қалып қойған адамдар әскери көліктердің көмегімен эвакуацияланады.

Түні бойы Қарулы Күштердің қызметкерлері қар құрсауындағы адамдарға тамақ пен сусын жеткізуге және көліктерін қардан шығаруға көмектесті.

Аяз Швецияның солтүстігінде жалғасуда, кейбір жерлерде температура 40 градустан төмен түседі.