Жауын-шашын, көктайғақ, тұман: бүгін Қазақстанда ауа райы қандай болады

Azattyq Rýhy

Республика бойынша тұман түсіп, жел күшейеді

Жауын-шашын, көктайғақ, тұман: бүгін Қазақстанда ауа райы қандай болады
Фото ашық дереккөзден

Синоптиктер 27 қарашаға арналған ауа райы болжамын жариялады, деп хабарлайды Azattyq Ruhy.

«Бүгін Қазақстанның батысында, солтүстік-батысында атмосфералық фронттардың өтуіне байланысты тұрақсыз ауа райы болады, жауын-шашын (жаңбыр, қар түрінде) жауады», - делінген «Қазгидромет» хабарламасында.

Өзге өңірлерде жауын-шашынсыз ауа райы болуы мүмкін.

Республика бойынша тұман түсіп, жел күшейеді.

Еліміздің солтүстік-батысы мен солтүстігінде көктайғақ болады.

Астанада көшпелі бұлт шығады, ауа райы жауын-шашынсыз, көктайғақ болады, жел 5-10, екпіні 15 м/с жетеді. Ауа температурасы түнде -1...-3°C, күндіз +3...+5°C болуы мүмкін.

Алматыда көшпелі бұлт шығады, жауын-шашынсыз ауа райы болады, жел 5 м/с күшейеді. Ауа температурасы түнде +2...+4°C, күндіз +14...+16°C болады.

Шымкентте көшпелі бұлт шығады, жауын-шашынсыз ауа райы болады, жел 5-10 м/с жетеді. Ауа температурасы түнде +7...+9°C, күндіз +20...+22°C болады. 

×
Бұл желілік ресурстың ақпараттық өнімдері 18 жастан асқан адамдарға арналған.