Елорда полициясы Бишімбаевтың өз әйелін өлтіруіне қатысты түсініктеме берді
Тергеу Ішкі істер министрлігі басшылығының бақылауында
Астана қалалық полиция департаменті экс-министр Қуандық Бишімбаевтың әйелін өлтіруіне қатысты түсініктеме берді. Полицейлер жалған ақпарат таратқандар қылмыстық жауапкершілікке тартылатынын ескертті, деп хабарлайды Azattyq Rýhy.
«Мейрамханада әйелді өлтіру дерегі бойынша ҚР Қылмыстық кодексінің 99-бабының 1-бөлігі «Адам өлтіру» бойынша тергеу жүріп жатыр, күдікті Астана полиция департаментінің уақытша ұстау изоляторына қамалды. Істің объективті мән-жайларын анықтауға бағытталған жедел-іздестіру шаралары кешені жүргізіліп жатыр, жалған ақпарат таратқандарға қылмыстық жауапкершілік бар екенін естеріңізге саламыз», - делінген хабарламада.
Тергеу Ішкі істер министрлігі басшылығының бақылауында.
Айта кетейік, 2023 жылғы 9 қарашада бұрынғы ұлттық экономика министрі Қуандық Бишімбаев әйелін өлтірді деген күдікпен ұсталған болатын.
