АЭС салу бойынша тағы екі шетелдік компанияның ұсынысы қаралып жатыр – министр

Қазақстан екі америкалық компанияның атом электр станциясын салу жөніндегі ұсыныстарын қосымша қарастырып жатыр. Бұл туралы Мәжілістің кулуарында Энергетика министрі Алмасадам Сәтқалиев айтты, деп хабарлады Azattyq Ruhy тілшісі.

«Росатом» компаниясы – вендорлардың бірі. «Росатом» компаниясынан басқа, өтінімдерді француздық EDF, Корея, Қытай Халық Республикасы компаниялары берді. Сонымен қатар біз екі америкалық компанияның ұсыныстарын қосымша қарастырамыз. Олар – General Electric және NuScale», - деп түсіндірді Энергетика министрі.

Ол шешім референдумнан кейін қабылданатынын атап өтті.