Электр энергиясының жетіспеушілігі іздеу жұмыстарына кедергі келтіруде – ТЖМ

Azattyq Rýhy

Костенко шахтасында авариялық-құтқару жұмыстары үздіксіз жүргізілуде

Электр энергиясының жетіспеушілігі іздеу жұмыстарына кедергі келтіруде – ТЖМ
Бейнеден кадр

Костенко шахтасында авариялық-құтқару жұмыстары үздіксіз жүргізілуде. Тау-кен құтқару бөлімшелері барлық қажетті іс-шараларды ауысыммен жасап жатыр. Жұмыстар тәулік бойы екі өндіру учаскесінде жүргізіліп жатыр, деп хабарлайды  Azattyq Rýhy ҚР ТЖМ баспасөз қызметіне сілтеме жасап.

«Тау-кен құтқарушыларының күштері кеншілерді іздеуге шоғырландырылған. Іздеу жұмыстары электр энергиясының жетіспеушілігінен, тау-кен жұмыстарының көптігінен, жеке су басқан қазбаларға қол жетімділіктің болмауынан, көптеген бұзылған механизмдер мен құрылыстардың болуынан қиындық туғызуда. Сондай-ақ, қаза тапқандардың денелерін жер бетіне шығару жұмыстары жүргізілуде.  Авария орнында ашық жану ошақтары жоқ», - деп хабарлады ТЖМ.

Жедел желі телефондары үздіксіз жұмыс істеуде, барлығы 400-ге жуық қоңырау келіп түсті. 20 психолог шұғыл психологиялық көмек көрсетуде.

×
Бұл желілік ресурстың ақпараттық өнімдері 18 жастан асқан адамдарға арналған.