28 наурызға арналған ауа райы болжамы

«Қазгидромет» РМК мамандары 28 наурызда Қазақстан аумағында ауа райы қандай болатынын болжады, деп хабарлайды Azattyq Rýhy тілшісі.

«Республиканың басым бөлігінде күн ашық, жауын-шашынсыз ауа райы сақталады. Қазақстан территориясының шығыс жартысында атмосфералық фронттарға байланысты кей жерлерде жауын-шашын жауады», - деп жазылған хабарламада.

Синоптиктердің айтуынша, сенбі күні республиканың кей жерлерінде тұман түсіп, жел күшейеді. Шығыста кей жерлерде көктайғақ болады. 

Ақмола, Жамбыл, Қостанай, Солтүстік Қазақстан, Павлодар, Қарағанды облыстарының кей жерлерінде тұман түседі. 

Ақмола, Солтүстік Қазақстан облыстарының кей жерлерінде жел екпіні 15-20 м/с дейін күшейеді. 

Алматы облысының кей жерлерінде күндіз жел жылдамдығы 15-20 м/с жетеді. 

Шығыс Қазақстан облысының кей жерлерінде тұман түсіп, көктайғақ болады. Жел қарқыны – 15-20 м/с.