Польшада ұшақ апатқа ұшырап, 5 адам қаза болды

Сондай-ақ 12 адам жарақат алды

Польшада ұшақ апатқа ұшырап, 5 адам қаза болды
Фото: rp.pl

Польшада «Cessna 208» ұшағы апатқа ұшырап, бес адам қаза тапты, сондай-ақ 12 адам жарақат алды, деп хабарлайды Azattyq Ruhy.

Бұл туралы Польшаның Rzeczpospolita басылымы хабарлады.

«Ұшақ Насельский маңындағы Хрцинно әуежайында адамдардың үстіне құлады. Қазіргі кезде құтқару операциясы жүріп жатыр. Оқиға орнына көптеген төтенше жағдайлар қызметі аттанды», - деп жазады агенттік.

Басылым жазуынша, ұшақтан парашютпен секіру жұмыстары орындалған, алайда құлаған кезде ішінде ұшқыш қана болған. Әуе көлігі адамдар жаңбырдан паналап тұрған ангардың үстіне құлаған.

Ұшақтың апатқа ұшырау себебі анықталып жатыр.

×
Бұл желілік ресурстың ақпараттық өнімдері 18 жастан асқан адамдарға арналған.