Елімізде магистратураға құжат тапсырғандар қай мамандықты көп таңдаған

Ұлттық тестілеу орталығы магистратураға түсуге арналған кешенді тестілеуге өтініш қабылдау мерзімі аяқталғанын мәлімдеді, деп хабарлайды Azattyq Ruhy.

Белгілі болғандай, 1 маусым мен 15 шілде аралығында республика бойынша 42 569 өтініш келіп түскен.

Ең көп таңдалған білім беру салалары:

• педагогикалық ғылымдар;
• инженерлік, өңдеу және құрылыс салалары;
• бизнес, басқару және құқық.

Кешенді тестілеудің өтетін күні, уақыты, орны 18 шілде күні жарияланады.