Атырау облысындағы қамыс өртіне 501 тонна су төгілді

Атырау облысында Каспий жағалауындағы қамыс өртіне 501 тонна су төгілді. Әлі 2 гектарда қамыс бықсып жатыр. Бұл туралы  Атырау облыстық төтенше жағдайлар департаментінің қоғаммен байланыс тобы мәлім етті, деп хабарлайды Azattyq Rýhy.

Департаменттің мәліметінше, қамыс өртіне әлсін-әлсін аэровизуалды тексеру жүргізіліп отыр.

«Аэровизуалды тексеру жүргізілгеннен кейін қамыс өртін әуе және жерүсті тәсілімен сөндіруге шешім қабылданды. Каспий теңізінің жағалауындағы қамыс өрті 830 гектар аумақты шарпыды. Қазір 2 гектарда қамыс әлі бықсып жатыр. Төтенше жағдайлар министрлігіне «Қазавиақұтқару» АҚ-ның МИ-8 тікұшағымен 167 рет су төгілді. Қамыс өртіне төгілген су көлемі шамамен 501 тоннаны құрады», - делінген хабарламада.

 Өртті сөндіру жұмыстары жалғасып жатыр. Оған облыстық төтенше жағдайлар департаменті мен «Ақжайық» мемлекеттік табиғи резерватынан 85 адам мен 14 техника жұмылдырылды.