Жоғарғы сот саяси қуғын-сүргін құжаттарын құпиясыздандыру жұмысын толық аяқтады
Ауқымды жұмыс жүргізудің нәтижесінде 40 мыңнан астам архив істері құпиясыздандырылды
Мемлекеттік кеңесші, Саяси қуғын-сүргін құрбандарын толық ақтау жөніндегі мемлекеттік комиссияның төрағасы Ерлан Қарин Сот әкімшілігінің Қылмыстық істер жөніндегі сот алқасы хатшылығының бас консультанты Ботагөз Мейрамоваға комиссия аясындағы белсенді жұмысы үшін алғысын білдірді, деп хабарлайды Azattyq Ruhy.
Архив құжаттарын құпиясыздандыру бойынша тұрақты жұмыс істейтін комиссиялардың жұмысына 240-тан астам ғалым мен сарапшылар тартылды. Мемлекеттік органдардың мемлекеттік және арнайы архивтерінде, оның ішінде Жоғарғы Сотта, прокуратура органдарында, ҰҚК-да, Әділет министрлігінде қорларды жүйелеу және түгендеу жүргізілді.
«Республика соттарында саяси қуғын-сүргінге байланысты құпия архив материалдарын тексеруден кейін облыстық соттар президиумдарының 1934-1989 жылдар кезеңіндегі қаулылары, қадағалау іс жүргізулер мен нарядтар табылды», - деп атап өтті Жоғарғы сот өкілдері.
Ауқымды жұмыс жүргізудің нәтижесінде 40 мыңнан астам архив істері құпиясыздандырылды. Жоғарғы сот құпиясыздандыру жұмысын толық аяқтады.
